從歷史上回顧，大約40%嘅爆升股都會跌返去突破位置附近。假如你響一隻股票突破時買入，佢響幾個星期內表現良好，然後突然掉頭。你點知道哩隻股票係值得繼續持有定係要走人呢？
一如既往，首先遵循你嘅交易規則。當一隻股票從你的買入點下跌7%至8%時就要執行止蝕。有左哩個保障措施，你就可以限制損失，而同時又俾空間股票郁動！潛力股可能需要幾星期，甚至幾個月嘅時間來證明佢可以成為大贏家。
關注該股嘅每日價格同成交量變化，無論佢係無乜成交量中回落，定係大成交向下，有一個關鍵指標必須要留意！就係50天移動平均線。
你買左隻股票當然希望該股價可以攀上高峰，而50天移動平均線就好似你爬山嘅安全帶，只要佢穩陣地固定響度，你就會安全，萬一穿左50天移動平均線，就係一個警告訊號！
50天線採用過去50天收市價數據，繪製出平均線。哩條線每日都會重新計算，以揭示一隻股票嘅基本價格趨勢。
你通常會在50天線以上買入突破股票。隨著你買入嘅股價不斷攀升，佢可能會有幾次下跌。甚至回調至50天線附近。但一隻大升股可以一次又一次地響哩個位置搵到支持。因為好多時大型機構投資者見到一隻股票跌至50天線時，佢地會認為係一個加注嘅合理價格！佢地會響哩個位置加倉或買入該股！如果你嘅股票從哩條線上反彈並有大成交支持，你就知道可能有機構投資者正在買入該股。有佢地嘅支持，股價先可以有個較長遠同可觀嘅升幅。50天移動平均線可以話係一條保險線。
❇️訂閱Finetic 學習真正實用嘅投資技巧！網站有50條教學影片，全部都係實戰經驗分享！
