響唔同嘅底位都有財演，財經YouTuber 不斷叫人撈底。究竟撈底係咪一個好好嘅策略呢？今日同大家講解一下撈底與溝貨所帶來的嚴重性！
首先咩叫撈底？通常撈底出現嘅情況係，當你買咗入股票之後，嗰隻股票已經跌咗，比起之前買入價是已經跌咗不少，不少嘅定義可以由一成至到五六七成都有。出現虧損嘅時候，其實已經話左一個事實你知，哩個投資決定係錯的，但係好多時唔承認做錯投資決定不特止，反而覺得而家更抵，話要溝淡成本，哩d就係財經K O L嘅一貫講法！財演最鐘意話本來$100嘅嘢，而家跌咗5成,即係變相五折貨,係咪更加抵呀？鼓勵大家撈底。
呢種撈底嘅心態，其實都係建基於投資者唔肯認輸，唔肯認錯而造成，你要記住大部份蝕大錢嘅人，通常都係一D唔肯認輸，撈低溝貨，繼續錯落去嘅人。
外國有一句說話，叫做 Don’t throw good money after bad. 意思係當投資結果已經轉差，就唔應該抌新錢落去！
假如你$10買完之後，如果個價跌咗10-20%，成功嘅投資者會即刻斬倉！愈成功嘅炒家佢地嘅止蝕位係愈簿！更加唔會撈底。
無人知道幾時係見底，如果一早知道的話，就唔會在$10買啦，而係會等佢$5先至買，但係你$10又買咗$5又買咗希望溝淡，等佢升返升上$7.5你就打平手，呢個只係一廂情願嘅諗法，本來$10買嘅時候，係諗住佢升超過$10以上，而家竟然只係望平手走人，整個投資目的已經完全變咗，如果佢再跌到$3，咁又點做呢？定係你覺得無理由咁黑仔嘅！
歷史已經話咗俾我地聽，股票係可以跌到好低，低到你唔會相信，甚至跌到冇晒，久遠嘅例子唔講,恆大就已經話咗俾你聽啦，幾十蚊嘅股票可以跌到剩返幾蚊，幾蚊嘅股票，亦都可以跌到剩返幾毫子，可以一超過99%。
你係幾十蚊嘅時候買咗跟住跌咗九成，剩返幾蚊嘅時候，夠底喇啩，點知再來個90% Off，即係一折，唔少人響幾蚊時再買恆大，諗住佢會升返到去$10，就會賺錢，結果恆大剩返幾毫子，最後更停牌。撈底其實係一個無底洞。
附圖可以睇到，我地就用撈底嘅方法做個回測比大家睇，用10萬蚊，十年時間，綠色線係恒指，藍色線係資產，大家可以睇睇結果！你仲認為撈底work嗎？或者有人偶爾一兩次成功撈底，但長遠來講假如你保持用買平貨撈底嘅心態來炒股的話，最終結果更不如恒指表現，十年來有九成時間回報都跑輸恒指，如果用過去嘅數據都證明唔到撈底係一個可行嘅方法，將來繼續用哩個方法炒股更加唔可以賺到錢。
#新一年開始立刻加入finetic學習真正實用投資技巧
